ከዚህ ቀደም አዲስአበባ ዮኒቨርስቲን ፣ ኢኮስኮን እና ገላን ከተማን ማሰልጠን የቻለዉ ወጣቱ አሰልጣኝ በፀሎት ልዑልሰገድ በያዝነዉ አመት ኢትዮጵያ መድህንን ከከፍተኛ ሊግ ወደ ፕሪምየር ሊግ ማሳደግ ከቻለ ከወራት ቆይታ በኋላ ከክለቡ መሰናበቱ ተረጋግጧል።

ከዚህ ቀደም አዲስአበባ ዮኒቨርስቲን ፣ ኢኮስኮን እና ገላን ከተማን ማሰልጠን የቻለዉ ወጣቱ አሰልጣኝ በፀሎት ልዑልሰገድ በያዝነዉ አመት ኢትዮጵያ መድህንን ከከፍተኛ ሊግ ወደ ፕሪምየር ሊግ ማሳደግ ከቻለ ከወራት ቆይታ በኋላ ከክለቡ መሰናበቱ ተረጋግጧል። በተጠናቀቀዉ የዉድድር አመት ኢትዮጵያ መድህን ከከፍተኛ ሊጉ ምድብ ሐ ቀዳሚዉን ስፍራ በመያዝ ከ8 አመታት በኋላ ወደ ሊጉ ዳግም መመለስ የቻለ ሲሆን በዚህም ወጣቱ አሰልጣኝ የአመቱ ኮከብ አሰልጣኝ ተብሎ መመረጡ ይታወሳል። በተያያዘም ክለቡ በርከት ያሉ አዳዲስ ተጫዋቾችን ወደ ስብስቡ ለመቀላቀል ንግግር ላይ እንደሆነ ለማወቅ ችለናል።